Iepenloftspul Snakkerbuorren spilet yn de simmer fan 2026 it maatskippijkrityske drama In fijân fan it folk fan Henrik Ibsen, oerset en bewurke troch Sietse de Vries. De regy is yn hannen fan doarpsgenoate Grytha Visser.

It ferhaal
Dokter Thomas Stockmann, dy’t yn in lytse Noarske stêd libbet, ûntdekt dat it wetter fan it nije kueroard – de grutskens fan de stêd – slim fersmoarge is en gefaarlik foar de sûnens. Stockmann wol dit nei bûten bringe, mar botst op tsjinwurking fan de autoriteiten, wêrûnder syn broer/sus, de boargemaster. Sy binne benaud dat it bekend meitsjen fan it probleem skealik wêze sil foar de ekonomy en reputaasje fan de stêd. Yn stee fan him te stypjen, keare de politisy, de parse en úteinlik ek de boargers har tsjin him. Stockmann wurdt publyklik swart makke en ta “fijân fan it folk” ferklearre. Nettsjinsteande alle wjerstân wegeret er syn idealen op te jaan. It stik stelt fragen oer wierheid, macht, mearderheid fersus yndividu en morele moed.

“Fassinearjend hoe’t dit stik likernôch140 jier nei ferskinen, noch hieltyd super aktueel is!”

Foarstellings
Woansdei 17 juny (premjêre), freed 19 juny, sneon 20 juny, tiisdei 23 juny, tongersdei 25 juny, freed 26 juny en sneon 27 juny (reservedata: moandei 22 juny, woansdei 24 juny, snein 28 juny, moandei 29 juny en tiisdei 30 juny).

———–

Folgje Iepenloftspul Snakkerbuorren ek op Facebook en/of Instagram en/of meld dy oan foar ús nijsbrief. Us nijsbrief ferskynt heechút in pear kear jiers op mominten dat der écht wat te fertellen is. Leuk? Folje dan hjirûnder dyn emailadres yn.

Ja, ik meld my oan foar de nijsbrief fan Iepenloftspul Snakkerbuorren: